Заедничката работна група за програмирање ја одобри нацрт-програмата за прекугранична соработка меѓу Бугарија и Република Северна Македонија за периодот 2021-2027 година, за која ќе почнат формални преговори со Европската комисија. Ова го соопшти бугарската заменик-министерка за регионален развој и јавни работи Делијана Иванова по завршувањето на шестиот состанок на Заедничката работна група за развој на програми. Заедно со заменик-министерот за локална самоуправа на С. Македонија, Зоран Димитровски, Иванова копретседаваше со онлајн состанокот на Заедничкиот програмски комитет за одобрување на проекти.
„Индикативниот буџет на програмата е 31.152.400 евра, кои се поделени во три главни приоритети“, рече Иванова.
Првата е да се постигне позелен прекуграничен регион. Скоро 5 милиони евра ќе бидат искористени за поддршка на мерките за исполнување на главната специфична цел за промовирање зелена инфраструктура, вклучително и во урбаните области, и намалување на сите форми на загадување.
Вториот приоритет има за цел да ја подобри регионалната поврзаност и да го промовира економскиот раст во прекуграничниот регион. За оваа намена се предвидени речиси 9,3 милиони евра. Средствата ќе бидат наменети во стратешкиот проект за нов граничен пункт меѓу Струмјани и Берово на границата меѓу Бугарија и Република Северна Македонија.
„Ќе ја подобриме транспортната поврзаност со отворање на нов граничен пункт, кој е планиран повеќе од 20 години и го сметаме за заеднички приоритет“, додаде Иванова, објавија бугарските медиуми.
Недостатокот на инфраструктура погодна за обезбедување услуги од интерес за заедницата и бизнисот дополнително наметнува сериозни социјални последици, вклучително и поголема социјална исклученост и нееднаквост, како и предизвици за обезбедувањето рекреативни услуги и пазарите на труд. Потребата да се зајакне регионалната поврзаност и да се олесни растечката трговија со луѓе и стоки меѓу Република Бугарија и Република Северна Македонија е водечки мотив за забрзаната изградба на граничниот премин Клепало.