Венера, планетата на љубовта, влезе во знакот Лав и таму ќе остане до 9 октомври, а од 23 јули ќе го започне својот ретрограден тек што ќе донесе колапс во емотивните односи.
Астролошки, штом некоја планета е ретроградна, тоа значи дека очекуваме враќање на старите патеки.
Венера е планетата која симболизира љубов, романтични врски, убавина, уметност, естетика и вредности. Како планета на љубовта, Венера влијае на нашата способност да сакаме и нашата привлечност. Во Лав, Венера додава специфични карактеристики на овие аспекти од нашиот живот.
Кога Венера е во Лав, љубовта и романтичните врски стануваат силно изразени. Луѓето со оваа позиција на Венера се често страсни, шармантни и креативни во пристапот кон љубовта. Тие уживаат во вниманието и пофалбите.
Венера во Лав ќе тргне ретроградно на 23 јули и ќе донесе можност за враќање на старите љубови и обновување на романсите. Како и во случајот со ретроградниот Меркур, оваа позиција на Венера не е поволна за нови емотивни почетоци, а враќањето на старите начини на крајот може да испадне како грешка.
Ретроградната Венера ќе ги врати старите љубови кон знаците како Лав, Стрелец и Овен.
Сите хороскопски знаци ќе бидат под влијание на овој аспект, но споменатите три ќе се истакнат.
Венера ќе биде ретроградна од 23 јули до 4 септември.
ОВЕН
Венера ќе биде ретроградна во вашата петта куќа, па ќе го обновите контактот со поранешниот партнер. Некој со кој претходно сте имале нешто емотивно ќе сака да се врати во вашиот живот. Обновувањето на старата романса под аспект на ретроградна Венера на крајот може да испадне како грешка, бидејќи вашите чувства драстично ќе се променат од октомври. Ова е и неповолен период за започнување на какви било нови емотивни врски.
СТРЕЛЕЦ
Ретроградната Венера во Лав ви носи појавување на личност која моментално е во друг град. Тоа е некој со кој не сте биле во контакт, можеби дури и со години. Таа личност дури може да биде од друга националност или вера. Во секој случај, очекувајте да се појави стара љубов.
ЛАВ
Од сите знаци најмногу ќе ве погоди влијанието на ретроградната Венера бидејќи таа е во вашиот знак. Пред вас е возбудливо лето во кое покрај нови познанства ќе имате и наплив на луѓе од минатото. Ќе имате можност од 23 јули да се смирите со некој од минатото и да се пресметате, но може да згрешите и во текот на летото бидејќи емотивно ќе се вратите назад.
Знаците како Бик, Шкорпија и Водолија ќе бидат под неповолно влијание на ретроградната Венера, па интензивно ќе размислуваат за старата љубов.