Со преминот од лето во есенските и постудените денови, телото доживува промени и му треба дополнителна сила за да се избори со вирусите кои ги носи оваа сезона. Овде од голема помош може да ни биде храната која ја јадеме редовно.
Овие пет намирници ќе го подобрат вашиот имунитет:
1. Карфиол
Карфиолот се смета за супер зеленчук. Содржи многу витамин Ц, како и влакна и фолна киселина. Покрај тоа, карфиолот содржи супстанции кои му помагаат на црниот дроб да ги неутрализира токсините.
2. Бобинки
Бобинки како што се јагоди, боровинки, капини, малини, цреши, вишни и црвено грозје се одлични извори на многу корисни хранливи материи и антиоксидантни соединенија.
Овие слатки бобинки веројатно ќе бидат подобра опција од другите слатки јадења. Затоа следете ја сезоната, а во зима сите бобинки се лесно достапни замрзнати.
3. Риба богата со омега-3 масни киселини
Лососот, туната и другите масни риби богати со омега-3 масни киселини можат да бидат корисен додаток на секоја исхрана бидејќи нашите тела не можат да произведуваат омега-3 масни киселини. Рибата е добар природен извор на овие здрави масти. Омега-3 може да помогне во намалување на маснотиите во крвта и намалување на крвниот притисок.
4. Лук
Лукот е стар начин на заштита на телото поради корисните состојки кои ги содржи. Содржи фитохемикалии како што се алицин и органски сулфурни соединенија, а неговите антиинфламаторни својства се добри за целокупното здравје и имунитет. Може да се меша со друга храна, што го подобрува вкусот и ја намалува потребата од дополнителна сол.
5. Јаболка
Јаболкото е исклучително корисна намирница која во својата кора содржи важна супстанца – пектин. Пектинот може да помогне да се намалат некои фактори на ризик за оштетување на бубрезите, како што се високиот шеќер во крвта и холестеролот, пренесува Healthline, кој исто така го препорачува ова овошје за здравјето на бубрезите. Не без причина популарната поговорка симболично вели дека „јаболко на ден го држи докторот подалеку“.