„Нашите односи отсега ќе продолжат да изгледаат како односи меѓу две соседни земји. Едната вложи големи напори да ја поддржува другата подолг временски период, а другата – земја што аплицира за членство во ЕУ“, изјави заменик-министерот за надворешни работи на Бугарија, Петко Дојков за „Бугарија Он Ер“.
Според него, во неразбирањето од страна на Северна Македонија постои голема доза на внатрешна политика.
„Фокусот на дискусиите е секогаш насочен кон Бугарија. Постојат две гледишта. Едното е наше, другото е на Скопје. Според Скопје, има напредок во споредба со другите слични историски комисии – поминавме долг пат. Но, нашето разбирање е спротивното. Напротив, имаме одредени очекувања. Нашето разбирање е дека работата на оваа комисија е еднострано прекината, а резултатите што се постигнати не се официјално пуштени во употреба“, изјави Дојков.
Тој потсети дека учебниците во земјава продолжуваат да гледаат на начин што не одговара на нивното разбирање.
„Во нив има говор на омраза. Причината за нашето однесување во последните месеци е поради неисполнување на Договорот. Сè започна со тоа. Бугарија не го заврши процесот, не наметнала вето. Она што го очекуваме од Северна Македонија, на прво место е да се врати довербата меѓу нашите две земји. Второ, очекуваме смирување на тонот. Ако ова продолжи, ќе биде тешко да се водат разговори меѓу двете земји“, рече тој.
Според него, секој документ мора да се исполни со однесување, што се нарекува извршување на договорот.