Во однос на нашите барања од Северна Македонија, нема промена во позицијата на Бугарија, рече заменик-министерот за надворешни работи на Бугарија, Петко Дојков на „Нова ТВ“.
Треба да бидеме горди што сите претседателства по нас се обидуваат да ја продолжат нашата желба да го интегрираме Западен Балкан. Тезата во САД дека Бугарија го негира македонскиот идентитет потекнува од Северна Македонија, рече тој.
„Нашата задача е да им објасниме на сите кој е нашиот пристап. Прашањето поставено во надворешната комисија на Претставничкиот дом е неточно“, пренесе БТА.
„Очигледно е дека постои дипломатска кампања од страна на Северна Македонија за да се изврши притисок врз Бугарија. Постои и медиумска. Единствено што Бугарија сака е да го исполни договорот од 2017 година и ништо повеќе. Нема притисок за промена на идентитетот и други тврдења. Ставот на Бугарија останува дека Западен Балкан треба да се приклучи на ЕУ“, заклучи Дојков.