Русија денес потврди 5.849 нови случаи на коронавирус, што е голем скок и сугерира дека земјата е во пикот на борба против вирусот корона.
Со овој нов скок, бројот на заболени во Русија достигна 68.622, а скоро половина од заразените се во Москва, пренесува Гардијан.
Порастот уследи по повеќедневниот пад на бројот на пациенти, проследени со извештаи дека хоспитализациите во Москва исто така се зголемуваат.
Во четвртокот, главниот лекар во една од болниците во руската престолнина изјави дека установата е под притисок поради бранови на млади пациенти кои имаат потреба од третман од „Ковид-19“.
Тој го снимил видеото во болницата 15 и испратил предупредување.
Chief doc at Hospital 15 in Moscow recorded this video warning: 'We're being brought an increasing no of young patients in a really bad way who need ventilating. Our ER is under pressure. There's lots of patients, more & more each day. Esp aged c. 40, brought in in a bad way.' pic.twitter.com/ukzUdxAOZV
— Sarah Rainsford (@sarahrainsford) April 23, 2020
– Ни носат сè поголем број на млади пациенти во многу лоша состојба на кои им е потребен респиратор. Нашата служба за итни случаи е под притисок. Има многу пациенти, се повеќе и повеќе секој ден. Особено луѓе во 40-тите години “, рече лекарот на видеото.
Русија очекува зголемување на бројот на заразени во наредните денови бидејќи вирусот продолжува да се шири од Москва во другите региони на земјата.
Досега, 615 луѓе починале од коронавирусот во земјата.