Дванаесет патници се повредени за време на турбуленциите на летот од Доха за Даблин, пишува британски „Independent“. Аеродромот во Даблин објави, пишува „The Independent“, дека шест патници и шест членови на екипажот пријавиле повреди за време на летот на авионот на „Катар ервејс“, кој безбедно слетал нешто пред 13 часот во неделата.
„По слетувањето, на авионот присуствуваа служби за итни случаи, вклучително и аеродромска полиција и нашата противпожарна и спасувачка служба поради 6 патници и 6 членови на екипажот кои пријавија повреди откако авионот доживеа турбуленции над небото на Турција “, се наведува во соопштението на „X“ на официјалниот профил на аеродромот.
„Тимот на аеродромот во Даблин продолжува да обезбедува целосна помош за патниците и персоналот на авиокомпанијата“, се додава во соопштението.
13.30 update: ✈️
Qatar Airways flight QR017 from Doha landed safely as scheduled at Dublin Airport shortly before 13.00 on Sunday. Upon landing, the aircraft was met by emergency services, including Airport Police and our Fire and Rescue department, due to 6 passengers and 6… pic.twitter.com/nB2F4BOcI5
— Dublin Airport (@DublinAirport) May 26, 2024
Последниот инцидент, пишува „Independent“, се случува неколку дена откако Британец почина на лет од Лондон до Сингапур за време на исклучително турбулентен лет.
Џефри Кичен, од местото Торнбери во близина на англискиот град Бристол, починал од срцев удар, се наведува.