Две лица биле потешко повредени во две од вкупно 12 сообраќајки регистрирани во текот на вчерашниот ден на подрачјето на СВР Скопје. Во две биле полесно повредени две лица, а во осум била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Дваесет и три возачи се движеле со брзина поголема од дозволената, тројца поминале на крстосница на црвено светло, еден не дал првенство на минување, а еден е санкциониран за неправилно престројување.
Од сообраќај биле исклучени еден возач кој го управувал возилото под дејство на алкохол и 24 возачи пред да се стекнат со право на управување на моторно возило, како и 13 возила со истечена важност на сообраќајната дозвола и две технички неисправни возила. Санкционирани биле и девет пешаци кои поминале коловоз вон пешачки премин. Затекнати биле 98 непрописно паркирани возила.
Со помош на специјалното возило пајак, отстранети биле 53 возила