Две лица загинаа во снежната бура во САД

 Во снежната бура, што се прошири кон централните делови на САД, загинаа две лица, а уништени се голем број домови и возила. 

Во бурата, што е проследена со силни ветрови, загинаа 83-годишен маж од Арканзас и 79-годишна жена од Кентаки.

Поради надоаѓањето на бурата во јужниот дел на Мисури прогласена е вонредна состојба.

Во северозападниот дел на Индијана се евакуирани 30 семејства за време на бурата.