Нема да биде зголемена итната ликвидна помош за грчките банки, доделена од Европската централна банка (ЕЦБ), а во исто време финансиските институции ќе треба да покриваат повисоки барања за обезбедување на дојдовните средства од ЕЦБ.
Тоа го одлучи Управниот одбор на европскиот централна банка доцна во понеделникот. Според објавеното во вторникот на сајтот на ЕЦБ решението за итната помош за ликвидност ELA (emergency liquidity assistance) за грчките банки останува на нивото од 89 милијарди евра, дефинирано на 26 јуни 2015 година, кога Атина го отфрли последниот предлог на меѓународните кредитори за финансирање на долговите против сериозни социјални и пензиски реформи.
Ова доведе до затворање на грчките банки минатиот понеделник и воведување на контрола на капиталот, која ќе трае најмалку до четврток – 9 јули.
Поради недостигот на свежи пари што веќе влијае на нормалното функционирање на грчката економија, централната банка на Грција побара зголемување на висината на средствата кои ќе течат во финансискиот сектор на земјата.
Сега сепак таа добива не само кратење на свежи пари, но и ЕЦБ одлучи да ги затегне барањата кон обезбедувањето на комерцијалните банки за добивање на средства од Фондот- станува јасно од објавената на сајтот на ЕЦБ одлука на Управниот одбор на банката.
“Финансиската ситуација на Република Грција влијае на грчките банки, бидејќи колатералот што тие го користат во ELА, се потпира во голема мера на средства поврзани со владата “, се вели во соопштението на ЕЦБ.
Од таму дополнуваат дека Управниот одбор од блиску ја мониторира ситуацијата на финансиските пазари во Грција и по потреба е подготвена да дејствува.