МВР излезе со детали за тешката сообраќајна несреќа која се случи вчера на планинскиот превој Ѓавато на патниот правец Ресен – Битола, при што загина жена.
-На 23.04.2023 во 13.53 часот во СВР Битола било пријавено дека на патот Битола – Ресен, кај превојот „Ѓавато”, во атар на с.Ѓавато, се случила сообраќајна несреќа помеѓу патничко возило „сеат“, управувано од лице од Ресен и патничко возило марка „мерцедес”, управувано од лице (52) од Ресен, двете со ресенски регистарски ознаки.
Од здобиените повреди на местото на несреќата починала 57-годишна жена, а смрт констатирал лекар од Итна медицинска помош.
Сопатникот во возилото „сеат“ (56) од Ресен и возачот на возилото „мерцедес“ се здобиле со телесни повреди, констатирани во Општа болница Битола. Увид извршила екипа на СВР Битола, информираа од полицијата.