Поранешниот шеф на Формула 1, Берни Еклстон, тврди дека не бил уапсен во Бразил и покрај тоа што во неговиот багаж бил пронајден непријавен пиштол.
Бразилската полиција соопшти дека Еклстоун бил уапсен во средата вечерта на аеродромот во Кампинас, бидејќи во неговиот багаж било скенирано огнено оружје.
„Никогаш не сум бил уапсен. Тоа беше мал глупав инцидент. Немам публицитет во последно време и мислев дека треба да направам нешто за да го добијам“, рече поранешниот прв човек на Ф1, кој потврди дека морал да плати кауција од 6.060 реали (1.260 долари) пред да му биде дозволено да замине од Бразил.
„Тие сакаа да платам за тоа во локална валута, која никогаш не ја имав. Потоа се случи уште една драма во обид да најдам пари. Ја напуштав земјата, немав локални пари. Тоа беше вистинска драма, непотребна, без причина“, додаде тој.
Еклстоун моментално е во Португалија со своето семејство.
„Го купив тој пиштол од механичар во Формула 1 во Бразил пред многу години, без муниција. Требаше да биде средство за бранење. Тие рекоа дека ми треба вакво нешто. Може да функционира ако некој се обиде да те ограби или нешто слично. Затоа купив пиштол од тој „тип“, истакна Еклстоун.