Луис Енрике, тренерот на ПСЖ, не криеше колку е разочаран по поразот од Борусија Дортмунд во првиот натпревар од полуфиналето на Лигата на шампионите.
Парижаните беа подобри, имаа повеќе шанси, сепак тоа не беше доволно за триумф против добро организираните Германци.
„Соблекувалната е малку депримирана поради пропуштените шанси, но ова не е ништо страшно. Ќе бидеме многу посилни во реваншот. Видовме и претходно што можеме да направиме пред нашата публика, верувам дека ќе направиме нешто извонредно “, изјави Луис Енрике.
Ернандез мораше да биде заменет рано на крајот на првото полувреме, но се уште не е познат степенот на неговата повреда.
„Што се однесува до Ернандез, се уште не сум добил информација за состојбата на неговата повреда, но воопшто не изгледаше добро. Ќе ги чекаме лекарските прегледи“, објасни Енрике.
Се чини дека фудбалерите на ПСЖ тешко го поднесоа поразот, особено затоа што и самите се свесни дека имаа многу шанси за израмнување, па дури и за победа во Дортмунд.
„Кога ќе ги погледнете нашите можности, резултатот е фрустрирачки. Од друга страна, можеше да биде и 2:0, но среќен сум што му помогнав на тимот и со таков минус се ќе беше значително потешко. Мораме да бидеме многу „посмртоносни“ во реваншот, верувам дека ќе имаме повеќе шанси, само прашање е дали ќе ги реализираме. Тоа е веројатно она што ќе ја направи разликата. Карактеристично за Борусија, како и нас, е што вршат голем притисок. Дуелот со Дортмунд е голем тест за нас и од физички аспект“, изјави Маркињос.
Она што е добро за ПСЖ е тоа што играчите се самокритични и знаат каде згрешиле.
„Изгледавме неорганизирани според нашите стандарди. Оваа сезона веќе еднаш ја надополнивме негативата од првиот натпревар, кога го игравме реваншот на гостински терен, а сега ќе играме пред полни трибини на нашиот стадион“, додаде дефанзивецот на ПСЖ.