Ердоган: Шведска ќе влезе во НАТО кога на Турција ќе ѝ се отворат вратите во ЕУ

Турскиот претседател Реџеп Тајип Ердоган денеска изјави дека Европската унија треба да го отвори патот за пристапување на Турција во Унијата пред турскиот парламент да ја одобри кандидатурата на Шведска за членство во НАТО.

Пред заминувањето на самитот на НАТО во Вилнус, Ердоган изјави дека приемот на Шведска во Алијансата зависи од спроведувањето на договорот постигнат минатото лето на самитот во Мадрид, додавајќи дека никој не треба да очекува компромиси од Анкара, пренесува „Ројтерс“.

Ердоган, исто така, рече дека крајот на војната меѓу Украина и Русија ќе го олесни процесот на приклучување на Киев во НАТО.