316
Шведска не треба да очекува промена во ставот на Турција во однос на кандидатурата на Шведска за членство во НАТО на самитот на Алијансата следниот месец, освен ако не ги спречи антитурските протести во Стокхолм, изјави денеска турскиот претседател Реџеп Тајип Ердоган.
Ова го изјави Ердоган во пресрет на денешните разговори со шведските власти во Анкара, наведувајќи дека таков став ќе изнесе и на тие средби, пренесе „Ројтерс“.
Во мај минатата година, Шведска и Финска поднесоа барања за членство во НАТО, а Турција постави како услов за ратификација на нивните барања во турскиот парламент тие две земји да ги екстрадираат осомничените за тероризам во Анкара.