Дуњите се вистински есенски деликатес, со специфичен, но преубав вкус. Нивната главна состојка е витамин Ц, за кој знаеме дека има важна улога во одржување и на физичкото и на менталното здравје.
Pixabay
Освен во исхраната, дуњите често се користат за лечење најразлични тегоби, од ублажување кашлица, па се до проблеми со варењето. Интересно е тоа што лековити се и плодот и листовите и семките.
Плодот содржи витамин Ц, витамини Б1 и Б2, каротен, калциум, калиум, натриум, како и мал дел протеини, а многу растителни влакна.
Семките, кога ќе отстојат во вода, ослободуваат слузава материја која многу помага при сува кашлица. Дуњата содржи и многу пектин, кој го регулира крвниот притисок и штити од штетните зрачења во природата.
Чајот од лист од дуња, пак, е одличен лек при дијареја. Исушените листови се полеваат со зовриена вода и се остава чајот да отстои 30 минути.
Се препорачува секој продукт добиен од дуњата, како и самиот плод, да се јаде наутро, за максимално искористување на бенефитите.