„Тоа зависи од партиите во парламентот да решат каква коалиција ќе формираат, ние немаме став за тоа. Она што е во интерес е силна коалиција во поширока смисла, што значи и владата и опозицијата да ја поддржат европската агенда. Во тој контекст гледаме една силна Влада која ќе притиска и ќе работи на ЕУ агендата и ќе направи напредок. Таква агенда ќе и треба широка поддршка, не само од партиите во владината коалиција, туку и од опозицијата“, изјави Жбогар.
Жбогар потврди дека еврокомесарот Хан доаѓа в четврток во Скопје, каде што освен учеството на балканската конференција за енергетика ќе има и билатерални средби со политичките лидери. Хан ќе излезе веројатно со малк помека порака за јавност, а зад затоврени врати ќе ги почекаме брифинзите на политичките партии
ВМРО-ДПМНЕ засега игра тврдо , откако пропадна мандатот за влада со ДУИ. Тие истакнаа дека се враќаат на позициите од протестот пред ДИК, а тоа значи не признаваат ништо освен победа, и бараат странците да си ја гледаат својата работа , да не се мешаат.
Такви се пораките и од последната средба со амбасадорката на ОБСЕ Нина Соумалаинен со лидерот Никола Груевски. Стана практика освен со рускиот амбасадор, ВМРО ДПМНЕ да објавува речиси стенограми- соопштенија од средбите со „душмнаските“ дипломати за што се се разговарало. Тка почна со американскиот амбасадор, па со германскиот и сега со ОБСЕ.
Во последното соопштение е прераскажан целиот разговор во кој амбасадорката прашала дали ќе прифатат Влада до колку ја формира СДСМ. И било одговорено дека тоа би била одлука без партијата победник на изборите и затоа ќе се соочат со проблеми. Груевски и сопартијците не само што повториле дека има само еден принцип – победникот на формира влада, туку и сите што им зборуваат поинаку по се ова ќе бидат исфрлат од седиштето на партијата.
КОАЛИЦИЈАТА СДСМ- ДУИ, НЕ Е ПРАШАЊЕТО ДАЛИ, ТУКУ КОГА!
„Доколку сега се отстапи од тој принцип, и свесно се прекрши, секој еден кој во иднина кога ќе се сменат околностите, ќе помисли да дојде и повторно да се обиде да не убедува да го воспоставуваме тој принцип, треба да знае дека без дискусија ќе биде избркани од штабот на партијата, а партијата ќе коалицира со кого ќе отцени дека е најдобро за самата партија и земјата, како што е и во другите држави.“
ВМРО-ДПМНЕ прв пат во ова соопштение по средбата со амбасадорката на ОБСЕ го објавува и ставот на партијата дека тие и натаму бараат нови избори, кои заради трошоците најдобро би било да се организираат заедно со локалните избори.