Рускиот напад врз Украина со балистичката ракета „Орешник“ имаше за цел да испрати порака до Европа и САД и претставува ескалација, изјави шефицата за надворешна политика на ЕУ, Каја Калас.
Рускиот претседател Владимир Путин „не сака мир – одговорот на Русија на дипломатијата е повеќе ракети и уништување“, напиша Калас на платформата „X“.
„Пријавената употреба на ракетата „Орешник“ од страна на Русија е јасна ескалација против Украина и е наменета како предупредување до Европа и САД“, додаде највисокиот европски дипломат.
Според портпаролот на Европската комисија за време на прес-конференцијата, рускиот претседател Владимир Путин не сака мир, а рускиот одговор на дипломатијата е континуирано уништување. Ние ќе продолжиме да ја поддржуваме Украина, вклучително и со чекори како оние што ги презема „Коалицијата на волните“, додаде портпаролот.
Минатата недела, земјите од „Коалицијата на волните“ ја изразија својата намера да испратат меѓународен воен мировен контингент во Украина откако ќе се постигне мир. Руската страна како одговор изјави дека доколку оваа намера се исполни, странскиот воен персонал во Украина ќе се смета за легитимна цел.