Се откажа од традиционалната “семејна слика” на лидерите на самитот во Брисел, со образложение дека организирањето им одзема многу време, а и со цел да се надополни имиџот на Унијата, пренесе АФП,.
До крајот на 2016 година 28-те држави и влади на земјите од ЕУ позираа заедно пред фотографите, покажувајќи единство. Но медиумите беа известени дека Европскиот совет, кој ги координира средбите на високо ниво, ја укинува “семејната фотографија”, почнувајќи од средбата на лидерите в четврток и петок во Брисел.
“Идејата е делумно да има модерен визуелен имиџ”, објасни висок европски дипломат, кој побарал анонимност. “А и овие слики можат навистина да одземат многу време”, додал тој.
Одлуката била и дел од напорите на претседателот на ЕУ Доналд Туск, кој беше реизбран за уште 2 и пол години на функцијата во четвртокот, да се насочат средбите кои често се влечате до полноќ.
Изворот ги негира политички мотиви за одлуката што доаѓа среде поделбите во ЕУ на голем број фронтови. Полска беше бесна за реизборот на поранешниот полски премиер Туск во спротивност со волјата на Варшава. Покрај тоа дел од средбите минуваат во формат 27 лидери, без британската премиерка Тереза Меј, поради очекуваното заминување на ЕУ од нејзината земја. А, така и одат споровите за иднината на Унијата, особено за идејата за т.н. многу брзини.