Европскиот регулатор на лекови денеска соопшти дека ги разгледува извештаите за реткото нарушување на дегенерација на нервите кај луѓето кои ја примиле вакцината на „АстраЗенека“, бидејќи властите ширум светот бараат транспарентност кога станува збор за безбедноста на вакцините.
Како дел од редовната анализа на безбедносниот извештај на вакцината на „АстраЗенека“, Вакзеврија, Комитетот за безбедност на Европската агенција за лекови (ЕМА) ги анализира податоците добиени од компанијата за случаи на Гилен-Бареов синдром.
Зголеменото регулаторно внимание на оваа ретка имунолошка состојба покренува нови прашања во врска со потенцијалните несакани ефекти на вакцините против коронавирус откако минатиот месец беше утврдено дека вакцините на „АстраЗенека“ и „Џонсон и Џонсон“ може да предизвикаат многу ретки случаи на згрутчување на крвта.
ЕМА соопшти дека Гилен-Бареовиот синдром е идентификуван како можен несакан ефект на кој му е потребен посебен мониторинг за време на условот за одобрување на вакцината, додавајќи дека од „АстраЗенека“ биле побарани детални информации за ваквите случаи.
Гилен-Бареов синдром е ретка невролошка состојба во која имунитетниот систем на организмот го напаѓа заштитниот слој на нервните влакна. Повеќето случаи уследуваат по бактериска или вирусна инфекција.