18
Формула 1 тимот на Ферари го објави потписот со Гуанжу Џоу, кој во новата сезона ќе ја преземе функцијата резервен возач на тимот на „Црните коњи“. За Кинезот ова е враќање во италијанскиот состав, бидејќи во периодот од 2015 до 2018 година беше дел од академијата на Ферари.
Џоу потоа се пресели во програмата на Рено, а во последните три години беше стартер за тимот на Заубер. Сепак, кинескиот тркач не можеше да се избори за место на стартниот грид за новата сезона, принудувајќи го да бара алтернатива.
Таа беше пронајдена во Ферари, каде Џоу ќе биде еден од резервните возачи на „Црните коњи“. Тој ќе ја дели оваа позиција со возачот на Скудерија во Светскиот шампионат во издржливост (WEC) Антонио Џовинаци.