Капитенот на Манчестер Јунајтед, Бруно Фернандеш, беше бесен на своите соиграчи по ремито 2-2 предсезонскиот натпревар со Евертон, велејќи дека нивниот настап бил „мрзелив“.
Манчестер Јунајтед го освои турнирот во Премиер лигата во Соединетите Американски Држави, на кој учествуваа и Евертон, Вест Хем и Борнмут.
Бруно постигна гол од пенал и асистираше за голот на Мејсон Маунт во ремито. Голот на Ндијаје и автоголот на Ејдан Хејвен му донесоа на Евертон реми.
„Беше важно за развојот на начинот на кој сакаме да играме“, изјави Фернандеш за NBC Sports.
„Не сакавме турнирот да го завршиме вака. Нашата изведба не беше најдобра и денес бевме малку мрзеливи. Сакаме да го избегнеме тоа бидејќи мрзеливоста може да ве чини во секој момент. Беше кристално јасно дека ни треба повеќе конкуренција, повеќе квалитет во тимот за да ги натераме сите малку да се засилат и да се борат за место во стартниот состав и мислам дека тоа е она што клубот се обидува да го направи. Се надевам дека ќе можеме да доведеме уште еден или двајца играчи кои ќе помогнат во тоа“, додаде Фернандеш.
Манчестер Јунајтед ја започнува новата сезона во Премиер лигата против Арсенал на 17 август.