Запрашан за тоа дали постапката за исклучување на Петре Шилегов од партијата треба да иде преку општинската организација СДСМ Карпош, лидерот на СДСМ, Венко Филипче тврди дека во партијата, суштината е да се изгради консензус и политики врз основа на различни мислења од многу луѓе. Според него, така ќе биде и тоа е суштината на градење на добри политики.
Филипче потенцира дека нема да дозволи, како што вели, некој да одработува за ВМРО-ДПМНЕ.
-Шилегов го злоупотреби денот на годишнината на трагедијата во Кочани и ја нападна сопствената партија. Знаеме дека одработува за ВМРО-ДПМНЕ. Остро ќе се спротивставиме кон секој што плука по партијата и се обидува да ја дели. Секое конструктивно мислење, ќе биде земено во предвид, кажа, меѓу другото, претседателот на СДСМ на денешната прес-конференција.
Филипче вели дека нема ниту една реформа со новата власт и дека ќе помине возот за Европа.
-Нема да не примат утре, ќе се сменат околностите во 2027. Многу брзо се менуваат, а ние ќе останеме слепо црево на Европа, кажа лидерот на СДСМ, додавајќи дека Шилегов не сака од него да ги презентира доказите за негова наводна соработка со ВМРО-ДПМНЕ.