Финска го отвори првиот рудник за литиум во Европа

Финска го отвори првиот рудник и погон за преработка на литиум во Европа што може да се користи во батерии, со што Европа го доби првиот комплетен производствен синџир за суровината и ја намали нејзината зависност од увоз од Кина.

Рударската компанија „Келибер“ започна со рударство во Каустинен на западот од земјата, додека преработката се одвива во областа Кокола, а се очекува проектот да создаде околу 350 работни места, објави финскиот новински портал Yle.

Првите количини руда беа ископани во рудникот со отворен коп Сивејарви во студени зимски услови, симболично означувајќи го почетокот на долгорочен проект.