Финска ќе влезе во НАТО во рок од неколку дена по одлуката на Турција да го ратификува пристапот на земјата во западната одбранбена алијанса, изјави денеска генералниот секретар на НАТО Јенс Столтенберг.
„Сите 30 сојузници на НАТО сега го ратификуваа пристапниот протокол“, рече Столтенберг и додаде дека сега Финска формално ќе се приклучи на Алијансата „во следните денови“, изјави генералниот секретар, пренесе „Ројтерс“.
На 30 март турскиот парламент го одобри нацрт-законот со кој ѝ се дозволува на Финска да се приклучи на НАТО, со што се отвора патот на земјата да се приклучи на западната одбранбена алијанса додека беснее војна во Украина.
Турскиот парламент беше последниот од 30-те членки на алијансата кој го ратификуваше членството на Финска, откако Унгарија усвои слична легислатива претходно оваа недела, објави „Ројтерс“.
Прифаќањето на нова земја бара едногласна поддршка од сите членки.
Столтенберг претходно ја поздрави одлуката на турскиот парламент.
„Ова ќе го направи целото НАТО семејство посилно и посигурно“, напиша Столтенберг на Твитер.
I welcome the vote of the Grand National Assembly of #Türkiye to complete the ratification of #Finland’s accession. This will make the whole #NATO family stronger & safer.
— Jens Stoltenberg (@jensstoltenberg) March 30, 2023