Фон дер Лејен разговараше со Курти за деескалација

Претседателката на Европската комисија, Урсула фон дер Лeјен, во телефонски разговор со косовскиот премиер Албин Курти, ја истакна итната потреба од деескалација на ситуацијата на Косово и најави дека ќе зборува и со претседателот на Србија, Александар Вучиќ, во текот на денот.

„Утрово разговарав со премиерот Албин Курти. Ја истакнав итната потреба од деескалација и враќање на дијалогот за нормализација на односите со Србија со посредство на Европската унија. Подоцна денеска ќе разговарам и со претседателот Вучиќ“, напиша Фон дер Лејен на својот Твитер профил.