Фондација Отворено општество обезбеди 1.900 пакети храна и хигиена за ранливите лица

Фондација Отворено општество – Македонија обезбеди 1.900 пакети храна и 1.900 пакети хигиена , кои се наменети за ранливи целни категории-лица во Шуто Оризари, во Тетово, Куманово, Гостивар, Прилеп, Битола, Делчево, Виница и Пехчево.

Дистрибуцијата низ градовите ќе се одвива преку Општинските Организации на Црвен крст во соработка со партнерите на Фондацијата, Ириз, Романо Чачипе, Сонце, НРЦ Куманово, Станица ПЕТ и KXAM. Истата е планирана да започне на 03 април и да заврши на 10 април.