Поп ѕвездата Бијонсе ги покани мајките на убиените афроамериканци на церемонијата за доделувањето на овогодинешните музичките награди MTV. Нејзиниот проект “Formation” претендираше за најголемата награда.
Облечена во долга сјајна сребрена тоалета и неверојатно количество накит, Бијонсе ја доведе и ќерка си Блу Ајви во Медисон Сквер Гарден во Њујорк. Пејачката стапна на црвениот тепих тивко заедно со мајките на афроамериканците Мајкл Баунти, Ерик Гарнер, Оскар Грант и Трејвон Мартин, чиј живот беше прекинат од полицајци под сомнителни и спорни околности.
Мајките се појавија и во филмот на Бијонсе “Lemonade,” кој се преплетува со истоимениот албум.
“Formation” е првиот политички албум во кариерата на пејачката. Во еден момент видеото отсликува полицајци со кренати раце нагоре како да се уапсени.
ОСУМ НАГРАДИ ЗА БИЈОНСЕ НА МТВ ВИДЕО МУЗИЧКИТЕ НАГРАДИ
Оваа година Бијонсе беше номинирана за вкупно 11 награди, повеќе од било кој друг изведувач. Од нив освои осум награди, вклучувајќи ја и наградата за видео на годината, со што, според американските медиуми, ја потврди доминацијата на музичката сцена.
Посветените пресметаа дека на церемонијата пејачката се појавила со прстени, обетки и друг накит во вредност од 12,600,000 долари.
