216
Иако шансите да се пронајде некој жив се намалуваат од час во час, неколку луѓе се спасени повеќе од седум дена по страшниот земјотрес.
Во јужниот турски град Адијаман е спасено малото девојче Мирај. Таа била пронајдена жива во урнатините на зградата и 178 часа по земјотресот.
Си-Ен-Ен Турк објави дека девојчето има шест години и дека спасувачите се блиску да ја извлечат од урнатините и нејзината постара сестра.
Можеби најтрогателните фотографии доаѓаат од Хатај, провинцијата каде што спасувачите извлекоа жива жена од урнатините на станбена зграда. Нејзиното име е Серап Донмез, а особено впечатливи се фотографиите од нејзиниот син кој го прослави откривањето на неговата мајка.
Фото: Јутарњи