Француските кошаркари се пласираа во полуфиналето на Олимпискиот турнир во Токио, откако во четвртфиналниот натпревар ја совладаа Италија со 84:75.
Французите ќе играат со Словенија во борбата за големото финале, која денеска ја елиминираше Германија малку порано.
Вистинската драма беше видена на крајот од натпреварот. Резултатот беше 73:73, две минути пред крајот, а потоа Батум погоди тројка. Италијанците го промашија следниот напад, но ниту Французите не го искористија.
Италијанците повторно промашија, а во следниот напад Руди Гобер даде две слободни фрлања за 78:73 на 1,13 минути до крајот.
Во следниот напад, Галинари ги погоди двете слободни фрлања и намали на 78:75 на 50 секунди до крајот. Италијанците повторно го промашија нападот, а Руди Гобер донесе 80:75 и става точка на оваа игра.
Инаку, Французите беа подобри цело време и имаа предност во првиот дел од 2 до 4 поени разлика, а во третиот период и плус 13 (64:51)
Во текот на четвртата четвртина, Италијанците успеаја да ја намалат разликата и да го израмнат натпреварот, но немаа сили за пресврт.