„Апсолутно треба да ги започнете преговорите со ЕУ, а паралелно со тоа да барате решенија со Софија“, смета поранешниот евроамбасадор Ерван Фуере, за емисијата „Трилинг“.
Според него, тоа е решението затоа што сите се согласиле дека постојат билатерални спорови, но со блокирањето на патот до членството на една земја, овие проблеми не се решаваат.
„И за жал, се наоѓаме во ситуација каде Бугарија го злоупотребува своето членство. Овој спор не е рамноправна основа. Затоа важно е вашиот источен сосед да сфати дека овој спор може да се реши само преку дискусии врз рамноправна основа и ова да се одбиба паралелно со отворање на преговорите за членство. Конечниот резултат на овие паралелни процеси е што обете земји и страни ќе имаат полза“, вели Фуере.