Г7 размислува за речиси целосна забрана за извоз во Русија, објави во петокот новинската агенција Кјодо, повикувајќи се на извори од јапонската влада.
Bloomberg News во четвртокот, исто така, објави дека Соединетите Држави и сојузниците на Украина размислуваат за „целосна забрана за најголемиот дел од извозот во Русија“.
Во извештајот се вели дека претставниците на Г7 разговараат за идејата пред самитот во Јапонија следниот месец.
Запрашан за извештајот на Блумберг, главниот секретар на владиниот кабинет, Хироказу Мацуно рече дека владата е свесна за тоа, но се воздржа од коментирање на размената на мислења меѓу земјите од Г7 и истомислениците за можните дополнителни санкции против Русија.
„Она што е важно да се стави крај на руската агресија што е можно поскоро е Г7 да остане обединета за строги санкции против Русија и силна поддршка за Украина“, рече тој на брифингот со новинарите.