(ГАЛЕРИЈА) Кендал Џенер го прослави 21-от роденден и ја копираше Парис Хилтон

Познатата манекенка наполни 21 година.

Кендал Џенер конечно стана полнолетна, а овој важен роденден беше одбележан со голема забава во ноќен клуб во Холивуд.

На роденденската забава, секако, беа и нејзините сестри, вклучувајќи ја и Ким, која присуствуваше само еден час, бидејќи таа се уште се опоравува од вооружениот грабеж во Париз. Исто така, присутни беа и нејзината најдобра другарка и колешка, Хејли Болдвин, но и поранешните момчиња, пејачот на групата “One Direction”, Хари Стајлс и кошаркарот Џордан Кларксон и други познати личности како Тајга, Крис Џенер, Кејтлин Џенер, Синди Крафорд, Каја Гербер, Шанина Шејк.

По повод нејзиниот роденден, Кендал се потрудила да изгледа особено секси и за забавата избрала многу отворен сребрен фустан со “Swarovski” кристали, што го платила неверојатни 9,000 долари.

Така облечена, освен што ги откри долгите нозе и нејзиното деколте, фустанот привлече внимание и од други причини, кои ја вклучуваат богатата размазена девојка, Парис Хилтон.

Всушност фустанот на познатиот модел е идентичен со оној на Парис, што таа го носеше претходно во 2002-та година, за време на бурната прослава на нејзиниот 21 роденден. Единствената разлика беше дека во таа прилика, Парис носеше и круна на главата и очите и беа истакнати со драматична шминка, додека пак Кендал се одлучи за поприроден изглед.