Пред Собранието се одржува протест во организација на движењето „Петоци за иднинатата Скопје“ чии поддржувачи бараат да се изгласа закон за забрана на увоз на опасен отпад пред распуштање на парламентарниот состав.
Учесниците на протестот велат дека сакаат да извршат притисок врз Собранието да се изгласа законот. Порачуваат, како што велат, дека нема да бидат тивки се додека не се реши ситуацијата со отпадот, и потенцираат дека се потребни конкретни активности за значително намалување на аерозагадувањето.
Дел од учесниците на протестот наведоа дека загадувањето се зголемува со употреба на горива кои се обработуваат од рециклирање на увезен отпад.
Тие доставија барање за средба со претседателот на Собранието, Талат Џафери, со цел да добијат објаснување зошто донесувањето на овој закон постојано се одложува.
Фото: Борче Поповски