Станот на Гвинет Палтроу во Њујорк личи на пастелна, чиста слика, декорирана во различни нијанси на белата боја, кремасто, сиво, сребро и лавандата.
Модерното живеалиште на актерката и сопственичка на суперуспешната онлајн продавница Goop, на прв поглед изгледа прилично софистицирано, но во исто време е удобно, свежо и романтично.
Во станот има многу различни катчиња каде познатата русокоса може да седне и да ужива со двете деца – Епл и Моузес. Внатрешноста е минималистичка, но со класични елементи како мермерни подови и површини, рачно везени позадини и ретро мебел и опрема.
Живеалиштето на ѕвездата се наоѓа во регионот Tribeca во Големото јаболко. Покрај овој дом таа поседува имот во Лос Анџелес и куќа во Лондон, која ја делеше со поранешниот сопруг – Крис Мартин, вокал на групата Coldplay.
Видете ги сликите на елегантното живеалиште на актерката во галеријата.