Драган Ѓилас, лидер на ССП, по оставката на српскиот премиер Милош Вучевиќ, за „Данас“ изјави дека не се зборува за избори.
По оставката на премиерот се наметна прашањето за нови избори и постапувањето на опозицијата доколку се распишат.
„Нема збор за избори, а камоли за нивно одржување, без исполнување на сите студентски барања“, вели Ѓилас.
Тој додава дека кога тоа ќе се случи, ќе се формира техничка – преодна – влада која ќе ги подготви условите за избори – медиумите, притисокот врз гласачите и контролорите, купувањето гласови, избирачкиот список – па дури потоа избори.
Да потсетиме, Вучевиќ денеска поднесе оставка. Владата вечерва ќе одржи вонредна седница на која ќе се расправа за изборите.
На седницата ќе присуствува и претседателот на Србија, Александар Вучиќ, по што во 20 часот ќе и се обрати на јавноста.