Изјавата беше дадена за време на неговиот настап на Светскиот економски форум во Давос, каде што Трамп истовремено упати низа критики кон Европа, НАТО, Данска и Канада.
Веста за откажувањето од царините веднаш предизвика позитивна реакција на финансиските пазари. Главните американски берзански индекси забележаа силен раст S&P 500 порасна за 1,52 отсто, Dow Jones за 1,5 отсто, а Nasdaq за 1,7 отсто. Аналитичарите оценуваат дека инвеститорите позитивно ја дочекале пораката дека Вашингтон нема да ја ескалира трговската конфронтација со европските партнери.
Трамп изјави и дека е постигната рамка за договор околу Гренланд, повторувајќи дека САД „не сакаат ништо друго“ освен безбедносни гаранции, но нагласи дека нема да користи сила. Ова ветување, според пазарните учесници, дополнително придонело за смирување на инвеститорската нервоза.
Неговото пристигнување во Давос, сепак, беше проследено со дипломатска напнатост. Неколку европски лидери, меѓу кои и францускиот претседател Емануел Макрон и претседателката на Европската комисија Урсула фон дер Лајен, го напуштија форумот пред неговиот говор, а дел од планираните средби беа откажани.
И покрај тоа, откажувањето од царините за Европа се толкува како сигнал за привремено намалување на трговските тензии меѓу САД и Европската Унија, во период кога глобалните пазари се чувствителни на секоја најава за нови економски судири.