Голем број граѓани и студенти вечерва се собраа пред зградата на Радио и телевизија на Србија, РТС на студентски протест насловен „Наше право е да знаеме се“.
– Со 15-минутно молчење и блесок на светилките, насобраниот народ симболично го разбива медиумскиот мрак, создавајќи величествена слика за единството на граѓаните и студентите. Целта на протестот пред РТС е студентите уште еднаш да го свртат вниманието на неадекватното известување на овој јавен медиумски сервис, велат организаторите на протестот.
Студентите донесоа голем модел од сендвич наменет како подарок за директорот на РТС Драган Бујошевиќ. Сендвичот симболично содржи и 200 евра.
Протестот заврши со интонирање на националната химна „Боже правде“, по што студентите почнаа да се враќаат на своите факултети кои ги блокираа.