Google официјално воведе нова функција наречена Work Insights и првенствено е наменета за корпоративни корисници. Алатката за која станува збор е дизајнирана да им овозможи на менаџерите на компанијата да видат дали нивните вработени ги користат апликациите во пакетот G Suite. Ова ги вклучува популарните наслови како што се Gmail, Google Docs, Slides и Sheets за креирање е-пораки, текстуални документи, табели и презентации. Work Insights ќе им помогне на менаџерите да разберат колку се продуктивни различни тимови.
Идејата е информациите од оваа функција да им даде поголема јасност за тоа кои вработени се најактивни во работата со апликациите и на кои им е потребна дополнителна обука. Новиот инструмент има за цел да ја стимулира соработката помеѓу вработените и, соодветно, да дава подобри резултати. Microsoft исто така нуди слична функција во Office 365. Компаниите можат да ги анализираат податоците, за да разберат дали апликациите за кои плаќаат воопшто се користат, пренесе Си-Ен-Би-Си.
Податоците се категоризираат според различни тимови и го покажуваат нивото на продуктивност на секој тим. Work Insights е корисна алатка која ви кажува кои од нив соработуваат во даден документ, презентацијата или видео-разговор во Hangout. Во моментов, G Suite Suite има повеќе од 4 милиони платени корисници кои сега можат да ја искористат новата функција. Google, исто така, воведе дополнителни софтверски решенија за подобрување на безбедноста на своите популарни апликации.