Дел од градочалниците од југоисточниот регион, покрај редовните точки на дневен ред на 30 тата седница на Советот на Источниот плански регион, која се одржува во Берово, го покренале и „прашањето за најавеното воведување на двојазичност во јавната администрација на територијата на цела Република Македонија“, се вели во објавата на веб-сајтот на Општина Берово.
Во веста се вели дека дел од градоначалниците „Енергично и здружено се спротиставуваат на таквите заложби на партиите кои тоа го заговараат, раководството на Социјалдемократскиот сојуз и албанските партии. Тоа би бил единствен пример во светот и би било преседант во една суверена унитарна држава, некој да помисли да воведе такво нешто“.
„Единствени сме и ќе се заложиме на сите нивоа, ваквите предлози да не поминат на законодавно ниво“, порачуваат градоначалниците.