ФРАНЦУСКИТЕ медиуми продолжуваат да удираат по нивната фудбалска репрезентација. Откако протекоа деталите за кавгата на Пол Погба со останатите соиграчи, се појави и угледниот француски новинар Ромен Молина, тврдејќи дека францускиот претседател Емануел Макрон го „туркал“ враќањето на Карим Бензема во националниот тим.
Сето ова се случува откако Франција по пенал серија изненадувачки загуби од Швајцарија во осминафиналето на Евро.
Проблем на француската соблекувална е враќањето на Карим Бензема во националниот тим по пет години. Бензема беше во центарот на скандалот откако од неговиот соиграч Матју Валбуена побара 150.000 евра за да не објавува видео од негов секс со малолетничка, а подоцна изјави дека Дешамп подлегнал на притисок од расистите и затоа тој не е во националниот тим.
„Спортс“ пишува дека Бензема е вратен во националниот тим со одлука на францускиот претседател Емануел Макрон. Наводно, првиот човек на Франција сериозно се обврзал да игра Бензема на Европското првенство.
Тоа не им одговараше на водечките sвезди на тимот, Антоан Гризман и Пол Погба. Французите колективно веруваат дека враќањето на Бензема сериозно ја нарушило рамнотежата во тимот.
Поради ова, Гризман започнал да се однесува поинаку кон своите соиграчи.
Молина пишува дека Гризман лесно знаел да ги налути соиграчите поради неговото его. Тој често им велел: „Повторно ве спасив, момци“, за да им докаже дека неговото присуство е поважно од враќањето на Бензема.
Молина додава дека Гризман бил крајно незадоволен од вниманието што му се посветува на Бензема.