Според проценките на Ефтимиос Лекас, професор по геологија и управување со природни катастрофи на Универзитетот во Атина, над 75 милиони тони вода паднаа на Атика, островите Евија и Илија во јужна Грција за време на неодамнешното невреме предизвикано од системот за дождови „Балос“.
Во вчерашното интервју за ТВ Скај, професорот рече дека тоа е невидена појава што се граничи со крајност, објави грчкиот весник „Катимерини“.
Што се однесува до поплавените патишта во Атика, Лекас објасни дека регионот е структурно различен од Евија и Илија.
„Атика е целосно урбанизирана област. Според тоа, водата тече по површината и многу брзо се собира во реките Илисос и Кифисос“, рече тој, додавајќи дека во случај на силен дожд, двете реки ќе се излеат.
Ако Кифисос беше поплавен, забележа Лекас, тоа ќе предизвика сериозни проблеми во густо населениот кварт Калитеа.
Што се однесува до Илија и Евија, професорот рече дека тоа не се урбанизирани области, туку шумски, кои беа делумно изгорени, што доведе до други проблеми.
„Имаме проблеми со интензивна ерозија и свлечишта“, посочи тој.