Алтернативниот министер за надворешни работи на Грција, Милитиадис Варвициотис по првата Меѓувладина конференција на ЕУ со Северна Македонија и Албанија упати честитки до нашата земја по повод отворањето на преговорите со ЕУ.
Тој потенцира дека за нив е важно „на север да имаат соседи Европејци и уште еднаш ја изрази грчката поддршка за интегративниот процес, но и важноста преговорите брзо да напредуваат“.
-Честитки до Албанија и Северна Македонија за започнувањето на пристапните преговори во ЕУ. Денеска во Брисел се одржа 1-та Меѓувладина конференција на двете земји со ЕУ и им ја изразив на премиерот на Албанија г-дин Еди Рама и премиерот на Северна Македонија г-дин Димитар Ковачевски поддршката на Грција во процесот на пристапување. Заедно ќе работиме за нашата заедничка европска иднина, објави грчкиот министер.
Συγχαρητήρια στη Βόρεια Μακεδονία για τη διεξαγωγή της 1ης Διακυβερνητικής Διάσκεψης με την ΕΕ σήμερα. Εξέφρασα στον @DKovachevski τη στήριξη της Ελλάδας στην 🇪🇺 προοπτική της χώρας του. Θα δουλέψουμε μαζί για το κοινό μας μέλλον. pic.twitter.com/lp33MWePHF
— Varvitsiotis Miltiadis (@MVarvitsiotis) July 19, 2022
Посочи дека за нив е „многу важно овие пристапни преговори брзо да напредуваат, кои ќе дадат суштина и комплетирање на клучните национални барања, односно верно спроведување на Договорот од Преспа, но и правата на грчкото малцинство во Албанија, како националните, така и имотните“.
Фото: Локално