Колони возила утрово на станиците за технички преглед во државата, поради налепниците со ознака НМК. Во дел од нив има налепници, во некои сеуште немаат добиено, а дел веќе ги потрошиле.
Возачите треба да дојдат во станиците за технички преглед со сопственото возило каде ќе пополат барање, а со себе треба да понесат лична карта и сообраќајна дозвола.
Налепниците се даваат бесплатно, но треба да бидат ставени на регистарските таблички од страна на контролорите во станиците за технички преглед.
Промената на регистарските таблици е една од обврските што ги презеде Северна Македонија со Преспанскиот договор. Граѓаните до 12 февруари треба да ги променат и личните документи со новото уставно име. По истекот на рокот, личните карти и сообраќајните дозволи ќе важат за внатрешна употреба, но граѓаните треба да ги променат пасошите за да може да патуваат надвор од државата. Доколку со автомобил не излегуваат од државата рокот до 12 февруари не важи ниту кодот НМК за регистерските таблички.
Инаку вчера Министерството за внатрешни работи соопшти дека ќе постапува согласно закон и апелирше до граѓаните да не управуваат возило доколку немаат валидна возачка дозвола со името Република Северна Македонија.