Гвардиола со првиот трофеј на чело на Сити

Манчестер Сити го победи Арсенал со 3:0 во финалето на Лига Купот.

На овој начин, „граѓаните“ успеаја да го освојат својот петти трофеј на турнирот.

Ова е првиот трофеј на Пеп Гвардиола на чело на Сити.

Средбата меѓу двата тима се одигра на “Вембли”, а Агуеро отвори за симболичните гости во 18-та минута.

Во 58. минута, Компани удвои, а седум минути подоцна, Силва го формираше конечниот резултат.

Мошне интересно е да се напомене дека пред овој натпревар двата тима се немаа сретнато еден против друг во битка за голем трофеј, откако исклучок прави само „Комјунити Шилд“.