Луис Хамилтон е категоричен дека би било одлично за Адријан Њуи да се приклучи на Ферари и откри дека е на врвот на неговата листа на луѓе со кои би сакал да соработува.
Според многумина, најголемиот дизајнер во историјата на Формула 1, Њуи ќе го напушти Ред Бул на почетокот на 2025 година, бидејќи од оваа сезона Хамилтон ќе се пресели кај „Црните коњи“. Во оваа фаза, Скудерија се смета за фаворит за негов потпис.
„Адријан имаше неверојатен успех низ годините. Очигледно, тој заврши фантастична работа во тимовите во кои беше и беше неверојатно засилување за тимот“, рече Хамилтон пред трката за Големата награда на Мајами оваа недела.
„Ферари веќе има одличен тим и постојано напредува, а работата со Њуи би била привилегија за мене. Навистина би сакал тој да дојде во тимот. Кога би требало да направам листа на луѓе со кои би сакал да работам, тој дефинитивно би бил на врвот на неа“, додаде Британецот.
Болидите на Њуи досега имаат 217 победи и 253 пол-позиции, а неговите возачи освоиле 13 титули, а 12 пати триумфот го имале и во конструкторите. Неговата кариера започна во 1991 година во Вилијамс, каде што работеше до 1996 година. Помеѓу 1997 и 2005 година беше во Мекларен, а од 2006 година беше во Ред Бул.
65-годишниот инженер има и репутација на човек кој одлично ги чита промените во правилата, а како што е познато такви ќе има од 2026 година.