По наредба на Вишото јавно обвинителство во Белград се приведени четири лица кои денеска клоцаа припадници на српското МВР на улицата Таковска пред Домот на Народното собрание на Србија. Тие ги клоцаа полицајците во моментот кога му се легитимираа на расчинетиот монах Антоније, кој беше на протестна прошетка.
На видеото се гледаат жени кои викаат, ги удираат и туркаат полицајците.
Snimak hapšenja monaha na antiprajd protestu pic.twitter.com/cJKeEfGPbY
— Kalabaster (@KalabasterJak) September 17, 2022
Тие добија притвор до 48 часа од Првото основно јавно обвинителство Белград за кривично дело член 23 од Законот за јавен ред и мир – попречување службено лице во вршење на службената должност.
Приведени се К.Н.(30) и М.М. (32), М.М. (34) и Т.Б. (35).
Потсетуваме, Вишото јавно обвинителство во Белград даде наредба до полицијата и основните јавни обвинителства за притвор до 48 часа за сите кои денеска ќе ги нападнат новинарите кои известуваат од настаните во Белград, како и членовите на МВР кои се задолжени за обезбедување ред и мир на настаните.