Продажбите на билети во изминатиот викенд во Северна Америка забележаа најголем пад од речиси 16 години, задржувајќи се на групната акција “Хитмен: Бодигард” со приходи од 10,3 милиони долари. 
Според податоците на набљудувачот Boxofficemojo.com приходите од првите 12 филма не успеале заедно да соберат 50 милиони долари – нешто што не се случило во август месец од над 20 години.
Причина за лошите резултати е како тешкиот ураган “Харви”, кој предизвика поплави во Тексас, така и боксерскиот дуел меѓу Флојд Мејведер и Конор Мекгрегор, кој стана еден од најголемите настани со платен пристап во историјата, пишува весникот “Варајати” .
Од Boxofficemojo посочуваат уште дека реалните продажби на билети за филмови, без дополнителни 2,6 милиони долари од емитување на боксерскиот меч, во изминатиот викенд ќе се најниски во 25 години.
Филмот “Хитмен: Бодигард” ја раскажува приказната на познат телохранител (во улогата Рајан Рејнолдс), кој е најмен да заштити познат сериски убиец (Семјуел Џексон). Во лентата учество зема и Салма Хајек како сопруга на Џексон.
На второ место застанува хорор филмот “Анаби 2”, четвртиот од серијата “магија” со приходи од 7,7 милиони долари за еден викенд во САД и над 1 милијарда глобално досега.
Трета е деби анимацијата “Балерина” со 4,7 милиони долари, која ја раскажува приказната за младо сираче кое сонува да стане балерина во Париз од 19 в.