Одредени хороскопски знаци едноставно не можат да развијат пријателство со личност од спротивниот пол, а тоа е поради еден единствен проблем – тие едноставно се заљубуваат.
Блиската врска меѓу најдобрите пријатели лесно може да прерасне во нешто повеќе.
Колку и да даваат отпор, некои хороскопски знаци нема да ги гледаат своите пријатели како браќа и сестри, туку ќе се роди поинаква љубов.
Водолија
Пријателството е една од најважните работи за Водолиите. Тие се отвораат само за неколкуте најблиски луѓе на кои можат да им веруваат и да го покажат своето вистинско лице.
Ним им треба партнер кој може да биде во чекор со нив и да ги прифати такви какви што се. Поради тоа често се заљубуваат во својот најдобар пријател, личност која длабоко ги познава и со која се на иста бранова должина.
Рак
Раковите се лојални и нивните пријателства траат вечно. Тие ретко се караат со своите пријатели и се подготвени да направат се за нив.
Бидејќи поминуваат многу време со својот најдобар пријател, често стануваат толку блиски што се заљубуваат, особено ако споделуваат слични вредности и визии за бракот и семејството.
Вага
Вагите се секогаш подготвени за забава. Уживаат во дружењето и сакаат да излегуваат. Тие прават се со нивниот најдобар пријател и имаат многу спомени заедно.
Разговараат за се, патуваат заедно, излегуваат и гледаат филмови, па прашање на време е кога Вагата ќе реши да започне нешто посериозно со личноста со која веќе одлично се забавува.
Стрелец
Стрелците сакаат некој кој може да ги прифати такви какви што се. Не им е лесно да побараат помош, но пред пријател ја симнуваат маската и стануваат ранливи.
Тие му кажуваат сè и никој друг не знае како да се справи со нивните подеми и падови. Бракот може да биде малку страшен за слободоумните Стрелци, но доколку влезат во него со личноста која им е најдобар пријател, стресот ќе биде многу помал.