154
Екипажот на бродот „Ocean Viking“ на хуманитарната организација SOS Mediterranée денеска спаси 175 мигранти во неколку операции во Средоземното Море. Меѓу мигрантите има две бремени жени, 33 малолетни и 22 без придружба.
Бродот спаси 57 мигранти кои утрово пловеа од Либија кон Европа, наведе организацијата.
Попладнето беа спасени 54 лица, а подоцна уште 64 лица.
Организацијата додаде дека некои мигранти имаат изгореници од гориво за чамци и бродови.
Според Меѓународната организација за миграција, 1.146 луѓе загинале на море од почетокот на годината.
SOS Mediterranée тврди дека спасил повеќе од 30.000 луѓе од февруари 2016 година.
Фото: SOS Mediterranée